Журнал саясаты

«ОҢТҮСТІК ҚАЗАҚСТАН ҒЫЛЫМ ЖАРШЫСЫ» ҒЫЛЫМИ ЖУРНАЛЫНЫҢ САЯСАТЫ

«Оңтүстік Қазақстан ғылым жаршысы» журналының саясаты – Қазақстан, жақын және алыс шетел ғалымдарының зерттеу нәтижелерін гуманитарлық бағыттар бойынша тарату.

«Оңтүстік Қазақстан ғылым жаршысы» журналы – отандық және шетелдік ғылымның негізгі мәселелері мен жетістіктерін қамтитын ғылыми және ақпараттық-талдамалық мерзімді басылым.

Журнал ғылыми-зерттеу ұйымдарының, жоғары оқу орындарының ғалымдары мен мамандарының, сондай-ақ шетелдік авторлардың әдеби деректерді талдауымен және ғылыми тұжырымдарды толық негіздеуімен бірге өзекті ғылыми мәселелер бойынша түпнұсқа жұмыстарын жариялайды.

Журнал редакциясы плагиатқа нөлдік төзімділік саясатын ұстанады және әлемдік ғылыми қауымдастықта қабылданған этикалық нормаларды сақтайды, соның ішінде «Promoting Research Integrity in a Global Environment» халықаралық конференциясында қабылданған редакторлар мен авторларға арналған халықаралық стандартты басшылыққа алады.

Антиплагиат саясаты

Журнал тек түпнұсқа, жоғары сапалы ғылыми жұмыстарды жариялайды. Егер автор(лар) өз жұмыстарында басқа мақалалардан үзінділер қолданса (ағылшын немесе басқа тілдерде), олар міндетті түрде дереккөздерге сілтеме жасауы немесе алдыңғы баспагерден немесе авторлық құқық иесінен рұқсат алуы тиіс. Плагиат анықталған мақалалар жариялауға қабылданбайды. Егер тексеру барысында мақалада плагиат анықталса, авторға, тиісті мекемеге және (бар болса) қаржыландырушы ұйымға жариялаудан бас тарту туралы хабарлама жіберіледі.

Архивтік саясат

Архивтік саясат журнал мұрағатын сақтау мен еркін қолжетімділікті қамтамасыз етуге бағытталған. Архивке рецензиядан өткен мақалалардың толық мәтіндері, аннотациялар және әдебиеттер тізімі кіреді. Журналда жарияланған барлық мақалалар туралы ақпарат eLIBRARY.ru Ғылыми Электрондық Кітапханасында сақталады. Сіз журнал мақалаларын кеңейтілген іздеу (кілт сөздер, автор, атау, бөлім бойынша) арқылы таба аласыз.

Авторлық құқық саясаты

Журнал ашық қолжетімділікте. Бұл пайдаланушылардың барлық мазмұнды тегін оқуға, жүктеуге, көшіруге, таратуға, басып шығаруға және толық мәтіндерге сілтеме жасауға құқығы бар екенін білдіреді, бірақ келесі шарттар сақталуы тиіс:

• Жарияланымда баяндалған зерттеулер этикалық нормаларға сәйкес, жауапкершілікпен жүргізілуі және барлық қажетті құқықтық талаптарды сақтауы тиіс.
• Зерттеушілер өз нәтижелерін айқын, адал түрде, деректерді қолдан жасау, бұрмалау немесе орынсыз манипуляциялаусыз ұсынуы қажет.
• Зерттеушілер өз әдістерін нақты және бірмәнді сипаттауға ұмтылуы керек, сонда олардың тұжырымдары басқа зерттеушілермен расталуы мүмкін.