ДИСТИЛГИПСТЕН АММОНИЙ СУЛЬФАТЫН ӨҢДЕП АЛУ ПРОЦЕССІН ЗЕРТТЕУ

Аңдатпа

Қақталған сода өндірісінің қалдығы дистиллер шламын және одан  алынған дистилгипске сипаттама беріліп олардың құрамы зерттелді. Сода өндірісінің қатты қалдығының құрамы мынадай: СаСО₃, Са(ОН)₂, СаСl₂, NaCl, CaSO₄.

Кальций сульфатымен аммоний карбонатының әрекеттесу реакциясына термодинамикалық зерттеулер жүргізілді. Температура 298-1373К аралығында ракцияның Гиббс энергиясы есептеліп кальций карбонаты мен аммоний сульфатының түзілу мүмкіндігіг анықталды.

Зерттеу барысында дистилгипстен аммоний сульфаты және кальций карбонатын алу процессінің тиімді көрсеткіштері: бастапқы шикізатта стехиометриялық шығыны (NH₃, CO₂) 100%, процесстің жүру уақыты 30-45 минут, процесстің жүру температурасы 70-80^ОС анықталды. Бұл жағдайда кальций сульфатының карбонатқа өту дәрежесі 99,7% құрайды.

Құрғақ  өнімде 99,61% (NH₄)₂SO₄ және тұнбада 99,98% СаСО₃ мөлшері анықталды.

Өнімдегі (NH₄)₂SO₄ және тұнбадағы СаСО₃ мөлшері РФА және РЭМ әдістерімен зерттеліп дәлелденді.